Павлодарда жаңа бастауыш кәсіподақ ұйымы құрылды

«Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіптік одағы» қоғамдық бірлестігінің Павлодар облыстық филиалы Жаңа бастауыш кәсіподақ ұйымын құрды.

2021 жылғы 6 желтоқсанда «Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіптік одағы» қоғамдық бірлестігінің Павлодар облыстық филиалының төрағасы Бауыржан Қапенов «Павлодар облысының цифрлық технологиялар басқармасы» ММ қызметкерлерімен бастауыш кәсіподақ ұйымын құру мәселесі бойынша кездесті.

«Павлодар облысының цифрлық технологиялар басқармасы» ММ 2021 жылдың көктемінде құрылды.

Қапенов Бауыржан жиналғандарға Павлодар облыстық филиалының қызметі туралы айтып, цифрлық технологиялар басқармасының бастауыш кәсіподақ ұйымын құруды ұсынды.

Сөз сөйлеген басқарма басшысы Бектас Сансызбайұлы Дәуітеков пен кездесуге қатысушылар кәсіподақ қызметінің өзекті мәселелерін талқылап, бастауыш кәсіподақ ұйымын құру идеясын қолдады.

Қазақстан Республикасы Тәуелсіздігінің 30 жылдығын мерекелеу қарсаңында Бауыржан Қапенов басқарма ұжымын келе жатқан мерекемен және бастауыш кәсіподақ ұйымының құрылуымен құттықтап, барлық істері мен бастамаларына табыс тіледі.