«Қызмет» салалық кәсіподағы Орталық кеңесінің кеңейтілген отырысы Астанада өтті

27.03.2026 Off By Администрация сайта

2026 жылғы 27 наурызда Астана қаласында «Қызмет» салалық кәсіподағының кеңейтілген отырысы өтті.
Іс-шараға Орталық кеңес мүшелері және шақырылған өкілдер қатысты.

Отырыс барысында кәсіподақтың ағымдағы және перспективалық қызметінің негізгі мәселелері қаралды. 2025 жылғы қызмет қорытындылары туралы баяндамамен «Қызмет» салалық кәсіподағының төрағасы Мирболат Жақыпов сөз сөйледі. Ол өз баяндамасында есепті кезеңнің қорытындыларын шығарып, қол жеткізілген нәтижелерді атап өтті және өзекті мәселелерді белгіледі.

Кәсіподақтың XII съезін өткізуге ерекше назар аударылды, ол жоғары ұйымдастырушылық деңгейде өтті. Съезд аясында алдағы кезеңге арналған стратегиялық даму бағыттары айқындалып, 2020–2025 жылдардағы қызмет қорытындылары шығарылды, Жарғының жаңа редакциясы бекітіліп, алқалы органдардың жаңартылған құрамдары сайланды.

2025 жылға арналған жұмыс жоспары аясында көзделген барлық іс-шаралар толық көлемде және белгіленген мерзімде орындалғаны атап өтілді. Сонымен қатар, кәсіби мерекелерге орай ұйымдастырылған бірқатар жоспардан тыс іс-шаралар жүзеге асырылды.

Алдағы кезеңге арналған басым міндеттер қатарында әлеуметтік әріптестікті дамыту, филиалдар мен бастауыш кәсіподақ ұйымдары арасындағы өзара іс-қимылды нығайту, сондай-ақ еңбек ұжымдарындағы әлеуметтік-еңбек дауларын алдын алу жұмыстарын жандандыру белгіленді.

Отырыс барысында Қызылорда және Павлодар облыстық филиалдарының 2025 жылғы жұмыстары туралы есептері тыңдалды.

Сондай-ақ кәсіподақтың қаржылық қызметіне ерекше назар аударылып, есепті кезең бойынша қорытындылар қаралып, бекітілді.

Отырыс іскерлік және сындарлы жағдайда өтті. Қатысушылар белсенділік танытып, кәсіподақ қызметінің тиімділігін арттыруға және қызметкерлердің еңбек және әлеуметтік-экономикалық құқықтарын қорғаудағы рөлін күшейтуге бағытталған бірқатар ұсыныстар енгізді.