«Тәуелсіздік күні» мерекесіне арналған салтанатты жиын өтті

«Қалың қалай, бастауыш ұйым» акциясы аясында «Қызмет» салалық кәсіподағының мүшелік ұйымы – Шымкент қаласы жұмыспен қамту және әлеуметтік қорғау басқармасының «Аялы алақан» №5 арнаулы әлеуметтік қызметтер көрсету орталығы» коммуналдық мемлекеттік мекемесінде «Қызмет» салалық кәсіподағы Шымкент қалалық филиалының төрағасы Серік Әуесханов және мекеменің директоры Серік Бабакулов пен кәсіподақ төрайымы Айгүл Шалқарқызы бірге орталықтың қызметкерлерімен кездесіп, қал-жағдайларымен танысты.

Кездесуден кейін «Қазақстан Республикасының Тәуелсіздік күні» меркесіне арналған салтанатты жиын өтті.

Жиында «Қызмет» салалық кәсіподағы Шымкент қалалық филиалының төрағасы Серік Елемесұлы әлеуметтік орталық қызметкерлерін «16 желтоқсан – Қазақстан Республикасының Тәуелсіздік күні» мерекесімен құттықтап, Шымкент қаласының жұмыспен қамту және әлеуметтік қорғау басқармасының «Аялы алақан» «№5 арнаулы әлеуметтік қызметтер көрсету орталығы» КММ-нің тәрбиешісі Қаракөз Бейсенбекқызы Утебековаға филиалдың «Еңбек озаты» төс белгісін және бірқатар қызметкерлерге «Құрмет грамоталары» мен «Алғыс хаттар» табыстады.

Жиында әлеуметтік әріптес – мекеме басшысы Серік Сейілұлы «Қызмет» салалық кәсіподағына алғысын айтып, алдағы жұмыстарына сәттілік тіледі.

Салтанатты жиын соңы концерттік бағдармаға ұласты.