Қазынашылық департаментінде өткен кездесу

Жоспарға сәйкес, «Қалың қалай, бастауыш ұйым» акциясы аясында «Қызмет» салалық кәсіподағының мүшелік ұйымы – Шымкент қаласы бойынша қазынашылық департаментінде «Қызмет» салалық кәсіподағы Шымкент қалалық филиалының төрағасы Әуесханов Серік Елемесұлы және департамент басшысы Шөкеева Ләззат Естайқызы мен кәсіподақ төрайымы Ергешова Әуескүл бірге ұжым қызметкерлерімен кездесу өткізіп, олардың жұмыстарымен және кәсіподақ мүшелерінің қал-жағдайларымен танысты.

Қорытынды жиында «Қызмет» салалық кәсіподағы Шымкент қалалық филиалының төрағасы Серік Елемесұлы ұжым мүшелерін «16 желтоқсан – Қазақстан Республикасының Тәуелсіздік күні» мерекесімен құттықтап, мерейлі 50 жасқа толған кәсіподақ мүшесіне, департамент басшысының орынбасары Қалмұханбет Сапарбекұлы Байсариевке «Қызмет» салалық кәсіподағы Шымкент қалалық филиалының «Еңбек озаты» төс белгісін табыстады.

Жиын соңында департамент басшысы Ләззат Естайқызы департамент қызметкерлерінің әлеуметтік жағдайын жақсарту мен демалуын ұйымдастыру бойынша «Қызмет» салалық кәсіподағымен тығыз байланыста жұмыс жасайтынын айтып, филиал атына алғысын білдіріп, алдағы жұмыстарына сәттілік тіледі.