«Қызмет» кәсіподағының елордалық филиалының мүшелеріне марапаттар табысталды

Қазақстан Республикасының Тәуелсіздік күнін мерекелеу аясында Астана қаласы бойынша «Қызмет» салалық кәсіподақ филиалының төрағасы Атақозы Нұрланов Астана қаласы әкімінің аппараты, Ішкі мемлекеттік аудит департаменті, Қазынашылық департаменті және Астана қаласының тұрғын үй және тұрғын үй инспекциясы басқармасының бастауыш кәсіподақ ұйымдарына барды.

Кәсіподақ мүшелерін Қазақстан Республикасының Тәуелсіздік күнімен құттықтаған Атақозы Нұрланов мемлекеттік мерекенің маңыздылығын атап өтті. Осы ұйымдардың басшылары мен ұжымдарына сүйікті елорданың игілігі үшін және кәсіподақ қозғалысын қолдағаны үшін алғыс айтып, зор денсаулық, амандық, табысты еңбек, елімізге бейбіт аспан тіледі.

Сондай-ақ кездесулер барысында кәсіподақ қызметіне белсенді қатысқаны, адал жұмысы үшін бірқатар кәсіподақ мүшелеріне марапаттар мен филиал атынан шипажай-курорттық емдеуден өтуге жеңілдік сертификаттары табысталды.