Үздік әлеуметтік қызметкерлер марапатталды

«Қызмет» салалық кәсіподағының Ақтөбе облыстық филиалы Әлеуметтік сала қызметкерлері күніне орай ұйымдастырылған салтанатты шараға қатысып, үздік әлеуметтік қызметкерлерді марапаттады.
Шараға Ақтөбе қаласының жұмыспен қамту және әлеуметтік бағдарламалар бөлімінің және бөлімге қарасты мекемелердің қызметкерлері, сала ардагерлері қатысты.

Салтанатты шарада сөз сөйлеген облыстық филиал төрайымының орынбасары Рафхат Бисенов әлеуметтік саланың қиын сала екендігін атап өтіп, бұл салада қызмет етіп жүрген жандардың адал еңбектері үшін алғысын білдірді және үздік қызметкерлерге «Еңбек озаты» төсбелгісін, құрмет грамотасы мен алғыс хаттар табыстады.
Сондай-ақ, шараға қала әкімінің орынбасары Қайрат Қуантайұлы қатысып, қала әкімінің құттықтауын жеткізіп, бірқатар әлеуметтік сала қызметкерлерін марапаттады.