Мерекелік шарада!

Әлеуметтік қорғау жүйесі қызметкерлерінің күніне орай 30 қазан 2024 жылы №2 Қызылорда арнаулы әлеуметтік қызметтер көрсету орталығында кәсіби мереке аталып өтті. Мерекелік шараға орталық қызметкерлері, орталықтың директоры Мейрамбек Әбдікәрімов, «Қызмет» облыстық салалық кәсіподағының төраға орынбасары Кеңес Махамбетов қатысты.

Кәсіби мерекеге орай ұжымның үздік мамандары марапатталып, құрмет көрсетілді. Оның ішінде «Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» ҚБ Қызылорда облыстық филиалының «Еңбек озаты» медалімен Зағипа Бердімұратова, «Қызылорда облыстық кәсіподақтар орталығы» аумақтық кәсіподақтар бірлестігінің құрмет грамотасымен Анар Оспанова, Гүлзада Тамабаева және «Қызмет» салалық кәсіподағының облыстық филиалының құрмет грамотасымен Мұхамбетали Жайлаубаев, Эльмира Баймбетова, Қанатбек Аширбеков марапатталды.

Мерекелік шарада орталық өнерпаздары әннен жыр шашып, би билеп, көрермендеріне мерекелік көңіл-күй сыйлады.

Марапаттарыңыз құтты болсын!