Әлеуметтік сала қызметкерлері марапатталды

Қазан айының соңғы жексенбісі еңбегіне адал, ісіне үлкен жауапкершілікпен қарайтын, мұқтаж жанның жанынан табылып, қамқорлық көрсететін, жүрегіне жылылық нұрын ұялатқан әлеуметтік қорғау жүйесі қызметкерлерінің кәсіби мерекесі.  Кәсіби мерекеге арналған іс-шара «№1 Қызылорда арнаулы әлеуметтік қызметтер көрсету орталығы» коммуналдық мемлекеттік мекемесінде өтті.

Мерекелік шарада «Қызмет» салалық кәсіподағының «Елеулі еңбегі үшін» медалімен мекеменің мәдени ұйымдастырушысы, кәсіподақ белсендісі Ляззат Абенова, Облыстық салалық кәсіподақтың «Еңбек озаты» медалімен орталық аяжаны Клара Байдусенова марапатталса, «Қызмет» салалық кәсіподағының, Аумақтық кәсіподақтар бірлестігінің және  Облыстық салалық кәсіподағының құрмет грамоталарымен кәсіподақ мүшелері Алмагүл Кульдеева, Ақзилаш Амруллина, Алия Альжанова марапатталды.
Шараға қатысушылар мерекелік ән-шашуды тамашалады.