Еңбек мобильдігі орталығының Enbekcup-2024 облыстық жарысы өтті

Әлеуметтік қорғау жүйесі қызметкерлерінің күні қарсаңында қалалық, аудандық «Мансап» орталықтарының қызметкерлері арасында волейболдан «Enbekcup-2024» облыстық жарысы өтті.
Өткен жылы құрылып, жақында ғана 1 жылдық мерейтойларын атап өткен Еңбек мобильдігі орталығы бұл жарысты дәстүрлі түрде өткізуді қолға алып, биыл екінші рет ұйымдастырып отыр.
Жарыс өте тартысты әрі қызықты өтті. Жарыс күнделікті қызметте тұрғындардың осал топтарымен тығыз байланыста жұмыс жасайтын, өңір тұрғындарын жұмыспен қамтуды ұйымдастыратын қызметкерлерге кәсіби мереке қарсаңында бой жазысып, белсенді спорт түрімен шұғылданып, әріптестерімен жақын танысуға мүмкіндік берді.

Жарыс қорытындысымен 1-орынды Ақтөбе қаласының «Мансап» орталығы, 2-орынды Қобда ауданының «Мансап» орталығы, 3-орынды Ойыл ауданының «Мансап» орталығы иеленді.
Жарыстың марапаттау рәсіміне қатысқан «Қызмет» салалық кәсіподағының Ақтөбе облыстық филиалының төрайымы Мұхтарита Сағындықова жарысқа қатысушыларды кәсіби мерекелерімен құттықтап, облыстық филиалы сенімді әлеуметтік әріптесі болып табылатын Еңбек мобильдігі орталығына әрдайым қолдау көрсетуге дайын екендігін білдіріп, жеңімпаздарға ақшалай сертификаттар табыстады.
Еңбек мобильдігі орталығының бастауыш кәсіподақ ұйымының қолдауымен жеңімпаздарға дипломдар мен қомақты қаржылай сыйлықтар берілсе, қалған қатысушы командаларға алғыс хаттар мен бағалы сыйлықтар табысталды.