Кәсіподақтар күніне орай салтанатты шара

2024 жылдың 10 қазан күні Қазақстан кәсіподақтары күні мейрамына орай «Қызмет» Батыс Қазақстан облыстық мемлекеттік, банк мекемелері және қоғамдық қызмет көрсету қызметкерлерінің салалық Кәсіподағы облыстық кәсіподақтар орталығы мен облыстық салалық кәсіподақ ұйымдарымен бірлесіп Достық үйінде мерекелік салтанатты шара өткізді.

Шараға облыстық кәсіподақтар орталығының төрайымы А.Есекенова, облыстық салалық кәсіподақ ұйымдарының төрағалары, аудандық және бастауыш кәсіподақ ұйымының кәсіподақ белсенділері және сонымен бірге облысымыздың бұқаралық ақпарат құралдарының өкілдері қатысты.

Шара барысында «Қызмет» Батыс Қазақстан облыстық мемлекеттік, банк мекемелері және қоғамдық қызмет көрсету қызметкерлерінің салалық кәсіподағының төрағасы Сүлеймен Серік Кенжебекұлы сөз сөйлеп, облыстық кәсіподақ ұйымының атқарылған жұмыстарын баяндай отырып, мерекемен құттықтап, кәсіподақ белсенділеріне қоғамдық қызметте елеулі жетістіктерге жеткендері үшін ҚР Кәсіподақтар Федерациясының «Еңбек озаты» медалін, «Қызмет» Мемлекеттік банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігі Орталық Кеңесінің «Еңбек және кәсіподақ ардагері» медалін, «Мемлекеттік қызметкерлер кәсіподағының үздігі» төс белгісін, Құрмет грамоталарын, Алғыс хаттарын және Батыс Қазақстан облыс әкімдігінің Алғыс хаттарын табыстады.
Салтанатты шара Ғарифолла Құрманғалиев атындағы облыстық филармония әншілерінің әсем әндеріне ұласты.