Әлеуметтік орталықта «Еленсін еңбек өтеуі» атты іс-шарасы өтті

«1 қазан – Халықаралық қарттар күніне» орай, Шымкент қаласы жұмыспен қамту және әлеуметтік қорғау басқармасы «№4 арнаулы қызметтер көрсету орталығы» коммуналдық мемлеткеттік мекемесінде оныншы маусымға келген қызмет алушыларға арналған танысу кеші өткізілді.

Іс-шарада «Қызмет» салалық кәсіподағы Шымкент қалалық филиалының төрағасы Серік Әуесханов қызмет алушыларды «Қарттар күнімен» және орталықтың қызметкерлерін «10 қазан – Қазақстан кәсіподақтары күні» және «Әлеуметтік сала қызметкерлерінің күні» мерекелерімен құттықтап, кәсіподақ наградаларын табыстады.

Атап айтқанда, арнаулы әлеуметтік қызметтер көрсету орталығының дәрігері Ұлбосын Салыбекованы филиалдың «Еңбек озаты» төс белгісімен, мейірбикесі Арайлым Айнабаеваны «Құрмет Грамотасымен» және күзетшісі Абдухамид Абдувахидовты «Алғыс хатпен» марапаттады.
Әрі қарай Саз колледжінің өнерлі студенттері дайындаған концерттік бағдарламаға ұласып, қатысушылардың мерекелік көңіл күйлерін көтерді.