«Туризм күні» мерекесінде кәсіби қызметкерлер марапатталды

«27 қыркүйек – Дүниежүзілік туризм күні» мерекесіне орай, Шымкент қаласында Шымкент қаласының туризм, сыртқы байланыстар және креативті индустрия басқармасының «Visit Shymkent» туристік ақпараттық орталығы» коммуналдық мемлекеттік мекемесінің ұйымдастыруымен мерекелік іс-шара өткізілді.
Мерекелік кеште туристік ақпарататтық орталық қызметкерлеріне «Қызмет» салалық кәсіподағы Шымкент қалалық филиалының наградалары табысталды.

Атап айтқанда, «Visit Shymkent» туристік ақпараттық орталығы» коммуналдық мемлекеттік мекемесінің жобалау және ақпаратпен қамтамасыз ету бөлімінің басшысы Гүлнара Кенжетайқызы Бекмуратоваға «Еңбек озаты» төсбелгісі, жобалау және ақпаратпен қамтамасыз ету бөлімінің менеджер кеңесшісі Ерсұлтан Әлішерұлы Айту және іс-шаралар ұйымдастыру бөлімінің іс-шараларды тарту менеджері Бақытберген Шухратуғли Алиев «Құрмет грамоталарымен», сондай-ақ жобалау және ақпаратпен қамтамасыз ету бөлімінің менеджер кеңесшісі Әсел Таңатқызы Қанат «Алғыс хатпен» марапатталды.