Кәсіподақ ол – ынтымақ, ол бірлік белгісі!

“Қызмет” салалық кәсіподағы қатарындағы шоқтығы биік Құрманғазы атындағы Қазақ ұлттық халық аспаптар оркестрінде мәдениет және өнер қызметкерлері күні жоғары деңгейде аталып өтті.
Қазақ өнерін әлемдік деңгейге жеткізіп жатқан, өскелең ұрпаққа мұра етіп отырған оркестр ұжымының қазыналы өнері, елеулі еңбектері ерекше бағалануға лайық.

Төл мерекесі аясында Бастауыш кәсіподақ ұйымының белсенді мүшесі, оркестр артисі Ақжолова Сағдат Наматқызы “ Мемлекеттік қызметкерлер кәсіподағының үздігі” төсбелгісімен, Республикалық Салалық кәсіподақтың Құрмет грамотасымен Сабиргалиева Санжан -оркестрдің концертмейстері, І прима домра тобының артісі,  сондай ақ қалалық филиалдың марапаттарымен артистер Жылкишинова Асель Абилхаировна және Мирбекова Дина Капаровна марапатталды.
Биыл Құрманғазы атындағы Қазақ Ұлттық халық аспаптар оркестріне 90 жыл!

Осы 90 жылдық мерейтой аясында Алматы қалалық филиалы өз есебінен Қазақстанның үш шипажайына тегін жолдамаларды тарту етті. Атап айтсақ, “Жаркент Арасан” шипажайына жолдаманы Түлкібаева Гүлзираға, “Сарыағаш” шипажайына Оразалиева Ботагөз,оркестр әртісі Алатаудың баурайындағы “ Қазақстан” шипажайына көп жылғы еңбегін атап,Шарипов Еркін ағамызға тарту еттік.
“Лайықты еңбек жылы” аясында өткізілген Алматы қалалық филиалының марапаттары мен сый құрметтері оркестр ұжымын ерекше көңіл күйге бөледі.
Ұжымның ынтымағы бұдан да салтанатты болсын, бүкіл әлемге қазақ әуенінің құдіретін танытқан Оркестр жасай берсін!!