Марапат өз иесін тапты

2023 жылы Тұманбаев Бауыржан Қалмұхамедұлы Шымкент қаласының дене шынықтыру және спорт басқармасының басшысы қызметін атқарып жүрген кезінде жұмысын жоғары деңгейде ұйымдастырып, әкімдіктер мен басқармалар және департаменттер арасында үлгі көрсетіп, «Қызмет» салалық кәсіподағы Шымкент қалалық филиалының үздік әлеуметтік әріптесі болып, қаладағы мемлекеттік мекемелердің қызметшілері арасында өткізілген спартакиадалық спорттық жарыстарының жоғары деңгейде өткізуіне белсене атсалысқаны үшін, «Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігінің «Мемлекеттік қызметкерлер кәсіподағының үздігі» төсбелгісімен марапаттау туралы шешім қабылданған болатын.

Сол марапатты 2024 жылдың 15 сәуірі күні «Қызмет» салалық кәсіподағы Шымкент қалалық филиалының төрағасы Әуесханов Серік Елемесұлы өз иесіне, яғни Бауыржан Қалмұхамедұлы Тұманбаевқа табыстады.
Өткен аптада Шымкент қаласының дене шынықтыру және спорт басқармасының басшысы Маратбек Саманбекұлы Мықтыбековтің бұйрығымен білікті спорт маманы, Қазақстанның еңбек сіңірген жаттықтырушысы Бауыржан Тұманбаев басқарманың қарамағындағы Шымкент қалалық №3 жоғары спорт шеберлігі мектебінің директоры болып тағайындалған болатын.
Бұл – кезекті жазғы Париж олимпиадасы қарсаңында өзі дайындаған талантты саңлақтардың төртжылдықтың басты додасында лайықты тұрғыда өнер көрсетуіне зор ықпал жасайды деген үміттеміз!
Ия, Баукеңнің жаңа қызметте жаңа табыстарға қол жеткізуіне тілектеспіз! Марапат пен жаңа қызмет құтты болсын!