ҚР Сауда және интеграция министрімен кездесу өтті

2024 жылғы 16 сәуірде Салалық «Қызмет» кәсіподағының Төрағасы Мирболат Жақыпов ҚР Сауда және интеграция министрі Арман Шаққалиевпен кездесті.

Кездесуге вице-министрлер, аппарат басшысы, ҚР Сауда және интеграция министрлігі комитеттері мен департаменттерінің төрағалары қатысты.

Кездесу барысында министрлік басшылығына Салалық «Қызмет» кәсіподағының жұмысы, кәсіподақтың міндеттері, мақсаттары және оның тартымдылығы таныстырылды. Әлеуметтік әріптестік, Ұжымдық шарт арқылы қызметкерлердің әлеуметтік-еңбек құқықтарын жақсарту және қорғау мәселелері талқыланды.

Кездесуге қатысушылар министрлікте және ведомстволық бағынысты ұйымдарда кәсіподақ ұйымын құру туралы ұсынысты зор қызығушылықпен қабылдады.

Салалық «Қызмет» төрағасы М. Жақыпов кездесуге қатысушылардың сұрақтарына жауап беріп, министрлік ұжымымен кездесу ұйымдастыруды ұсынды.