Үздік мамандар марапатталды

Жаңақорған ауданының Мәдениет үйінде жаңа жыл мерекесі қарсаңында жыл қорытындысы бойынша мерекелік шара өтті. Мерекелік шарада жыл бойы өз саласының үздігі атанып, ауданның дамуына үлес қосқан білікті мамандар марaпатталды.

Қорытынды кеште аудан әкімі Мұрат Тілеуімбетов әрбір игі бастаманың серпін алуы ел бірлігінің арқасы екенін жеткізе отырып, үздік мамандарға марапаттарды табыстады. Табысталған марапаттардың бірі – «Қызмет салалық кәсіподағы» ҚБ Қызылорда облыстық филиалының алғыс хаты Жаңақорған ауданының сәулет, қала құрылысы және құрылыс бөлімінің іс жүргізушісі, кәсіподақ мүшесі Жансая Туремановаға табысталды.