Балаларға арналған жаңа жылдық ертеңгілік ұйымдастырылды

Жаңа жыл, жаңа бақыт, жаңа жыр,
Ізгілік, бірлік дәнін ортаға ысыр.
Құт болып, береке бер халқымызға
Мерейін, мәртебесін биікке асыр. – демекші, жаңа 2024 жылда келді.  Жаңа жыл  әрқайсымыз үшін ең қуанышты да тебіреністі мереке. Алдағы күндерге артқан үмітімізді онымен тығыз байланыстыра отырып, жаңа жылдан  жарқын да бақытты күндер күтіп, барлық бастамаларымызға серпін, ісімізге  сәттілік әкелетініне  сенеміз.

Ал балалар жүздері бал-бұл жанып, жаңа жылды ерекше қуанышпен күтеді. Балаларға  арналған «Қызмет» салалық кәсіподағы» ҚБ Қызылорда облыстық филиалының жаңа жылдық шыршасы  – Жаңа жылдық ертеңгілік 2023 жылдың 25 желтоқсан күні Қызылорда қалалық қосымша білім беру орталығында, яғни оқушылар сарайында ұйымдастырылды.

Ертегі әлеміне кіргендей  әсер қалдыратындай безендерілген  оқушылар сарайында  балалар жаңа жылдық қойылымды тамашалады. Баршамен қоштасқан қоян жылын балалар  шығарып салып, бақ-береке тілей келген ұлу жылын қуана қарсы алды. Мерекелік шарадан кейін әр бала облыстық кәсіподақ  атынан тәтті сыйлықтарын алды.