Сыбайлас жемқорлықтың алдын алу бойынша семинар өтті

«Қызмет» салалық кәсіподағы Шымкент қалалық филиалының мүшелік ұйымы – Шымкент қаласының тұрғын үй басқармасында мекеме қызметкерлерінің қатысуымен сыбайлас жемқорлықтың алдын алу және болдырмау мақсатында семинар-тренинг өткізілді.
Семинарда сыбайлас жемқорлыққа қарсы көзқарасты нығайту және сыбайлас жемқорлық көріністеріне төзбеушілікті қалыптастыру жөніндегі жұмысты жандандыру туралы мәселелер қаралды.
Сонымен қатар, жемқорлыққа төзбеушілік жағдайына қол жеткізудің маңыздылығы және негізгі күш сыбайлас жемқорлық құқық бұзушылықтардың туындауына қарсы, оның алдын алу жұмыстарын жасауға бағытталған болуы тиіс екендігі, қоғамның келеңсіз құбылысына қарсы шараларды күшейтудің маңыздылығы айтылды.
Ел тұрақтылығын, әлеуметтік және экономикалық дамуын қамтамасыз етудегі, құқықтық мемлекетті құрудағы, халық арасында сыбайлас жемқорлыққа қарсы сананы және мәдениетті қалыптастырудағы азаматтардың белсенділігін көтеру, қоғамда сыбайлас жемқорлыққа қарсы сананы қалыптастыру, сыбайлас жемқорлыққа қарсы тұру мәселелері бойынша қолданыстағы заңнаманың нормаларын сақтаудың өзектілігі де назардан тыс қалмауы баяндалды.