Шымкентте коммуналдық саланың жұмыскерлері марапатталды

«Қызмет» салалық кәсіподағы Шымкент қалалық филиалының төрағасы Әуесханов Серік Елемесұлы Шымкент қаласының Қаратау ауданы әкімі аппаратының «Қаратау» коммуналдық мемлекеттік мекемесіне арнайы барып, мекеменің басшысы Аян Қайратұлы Тоғызбаевтың және бастауыш кәсіподақ ұйымының төрағасы Есбол Нұрланұлы Таженовтің қатысуымен, қаланың Қаратау ауданы бойынша тазалық жұмыстарын атқаратын жұмыскерлермен, мекеменің кәсіподақ мүшелерімен кездесіп, атқарып жатқан жұмыстарының жыл қорытындысын хабарлап, алда келе жатқан жаңа жыл мерекесімен құттықтап, бірқатар белсенді кәсіподақ мүшелеріне «Қызмет» салалық кәсіподағы Шымкент қалалық филиалының «Еңбек озаты» төс белгісін, «Құрмет грамоталарын», «Алғыс хаттарын» және Шымкент қаласы Қаратау ауданы әкімінің «Құрмет грамоталары» мен «Алғыс» хаттарын табыстады.
Іс-шара соңында мекеме басшылығы мен кәсіподақ комитеті «Қызмет» салалық кәсіподағы Шымкент қалалық филиалының алдағы істеріне сәттілік тілеп, шынайы алғысын білдірді.
Жиын соңында мекемедегі кәсіподақ мүшелерінің балаларына арнап дайындаған жаңа жылдық тәттілер сыйлықтары үлестірілді.
Марапаттарыңыз құтты болсын!