Бастаушымен кездесу!

Қазақстан Республикасының «Ұлттық архив қоры және архивтер туралы» Заңының 25 жылдығына орай архив саласы қызметкерлерінің төл мерекесі қарсаңында ШҚО кәсіподақ ұйымының Төрағасы Тлеубаев Даурен Адылханович Ұлан ауданының мемлекеттік архиві ұжымын төл мерекесімен құттықтады. Даурен Адылханович архивистердің қоғам өмірінде атқарып отырған елеулі еңбектерінің маңыздылығын атап өтіп, халыққа көрсетіп отырған сапалы қызметтері үшін алғысын білдіріп, құрмет граматосын табыстады. Мекеме директоры Гульнар Сеиткалиевна кәсіподақ ұйымының төрағасына осындай құрмет үшін ұжым атынан алғысын білдіріп, архив саласындағы бірқатар өзекті мәселелермен бөлісті.